Հարգելի Ani, բարև Ձեզ: Med-Practic.com կայքի "Բժիշկներ" բաժնում կարող եք փնտրել Ձեր ցանկացած մասնագետին  "Ըստ Մասնագիտության" և անմիջապես կապ հաստատել Ձեր ցանկացած բժշկի հետ:

Հարգելի Tatev, երեխայի մոտ ամենայն հավանականությամբ կա միզապարկի բորբոքում, հարկավոր է դիմել մանկական ուրոլոգի:

Հարգելի SOXHIK, միայն քորի և մրմռոցի զգացումով կողմնորոշվել, թե ինչ խնդիր է Ձեզ մոտ,  դժվար է: Խնդիրը կարող է կապված լինել ինչպես սեռական օրգանների, այնպես էլ միզապարկի հետ: Եթե բացի նշված գանգատներից կան այլ գանգատներ խնդրում եմ նշեք, կփորձենք օգնել Ձեզ:

Հարգելի Anahit, սեռական օրգանների ուռուցքային հիվանդությունները կարող են առաջանալ ինքուրույն, առանց նախորդող հիվանդության և ոչ ոք ապահովագրված չէ դրանից: Եթե ախտորոշվել է արգանդի վզիկի էրոզիա, հարկավոր է կատարել բջջաբանական հետազոտություն և պարզել, կա արդյոք դիսպլազիա, այսինքն բջիջների ձևափոխում թե ոչ: Ամեն դեպքում էրոզիայի վերածումը ուռուցքի մեծ հավանականություն ունի, եթե այն երկար ժամանակ չբուժվի և խորանա: Արգանդափողերի երկարատև խրոնիկական բորբոքումից կարող է առաջանալ կպումային պրոցես և ադնեքս-տումոր կոչվող գոյացությունը, որն ուռուցքային չէ, սակայն վիրահատության կարիք ունի: 

Հարգելի ELEN, բարև Ձեզ: Հպումների ընթացքում տեղի է ունենում սեռական գրգռում, և հեշտոցում սկսում է արտադրվել լորձանման խոնավեցնող նյութ, օրգանիզմը պատրաստվում է սեռական կոնտակտի: Անկախ նրանից հարաբերություն կլինի, թե ոչ այդ նյութն արտադրվում է, որից հետո դուրս է արտաքին միջավայր: Անհանգստանալու կարիք չկա: 

Հարգելի KARINE, բարև Ձեզ: Միայն արտարդրության գույնով կողնորոշվել, թե դա ինչ բնույթի է հնարավոր չէ: Չի բացառվում, որ արտադրությունը սնկային է, սակայն համոզվելու համար հարկավոր է հանձնել հեշտոցի քսուք:

Հարգելի Nar բարև Ձեզ, եթե կա խրոնիկական ցիստիտ հարկավոր է դիմել ուրոլոգի համապատասխան հակաբակտերիալ բուժում ստանալու համար: Ինչ վերաբերում է թափանցիկ արտադրությանը, ապա անհասկանալի է, այն սեռական ուղիներից է, թե միզապարկից: Խնդրում եմ մանրամասն գրել, կփորձենք օգնել Ձեզ: 

Հարգելի Nazeli, բարև Ձեզ: Եթե արյունային արտադրությունը համընկնում է դաշտանի օրերի հետ, ապա դա ամենայն հավանականությամբ դա դաշտանային արյուն է: Եթե չի համընկնում, ապա կարող է կապված լինել այլ հիվանդության հետ, և հարկավոր է անպայման դիմել բժշկի պատճառը պարզելու համար: 

Հարգելի Ինա, ցայլքի շրջանում մազահեռացման ցանկացած ճառագայթային մեթոդի կիրառումը ցանկալի չէ: Տվյալ մեթոդը կարող է վնասել կոնքի օրգաններին:

Հարգելի Լիլի, առնանդամի թլիպի տակ ժամանակի ընթացքում կուտակվում է ճարպանման նյութ, որը կոչվում է սմեգմա, երկար ժամանակ մնալով այն տհաճ հոտ է ունենում: Անհրաժեշտ է անընդհատ մաքրել այդ հատվածը: Հարաբերության ժամանակ առնանդամի գլխիկը բացվում է, և հոտը ավելի զգալի է դառնում:

Հարգելի  ALISA, կրծքագեղձում նշված երևույթները կարող են հանդիպել կրծքագեղձի տարբեր հիվանդությունների դեպքում: Եթե դրանք առաջացել են ծննդաբերությունից հետո, ապա հնարավոր է կա կրծքագեղձի բորբոքում` մաստիտ: Անպայման անհրաժեշտ է դիմել մամոլոգի: Ինչ վերաբերում է քորին և բշտիկներին, ապա այն կարող է կապված չլինել գինեկոլոգիական խնդրի հետ, այլ մաշկային որևէ հիավնդություն լինել: Հեշտոցից առատ արտադրությունը խոսում է այն մասին, որ կանացի օրգանների խնդիրն ամբողջությամբ լուծված չէ: Խորհուրդ ենք տալիս անպայման դիմել  նաև գինեկոլոգի՝ հետագա բարդություններից խուսափելու համար:

Հարգելի ANI,ինչ վերաբերվում է ամուսնուն,ապա հնարավոր է ոչ մի խնդիր էլ չկա և դա ընդամենը օրգանիզմի առանձնահատկություն է,ոչ թէ ցանկության բացակայություն:Իսկ ինչ վերաբերվում է Ձեզ,ապա հնարավոր է դուք սեքսուալ տիպով ավելի ուժեղ եք, որի հետևանքով էլ բավարարված չեք զգում: Եթե խնդիրը անհանգստացնող է, կարող եք դիմել նեղ մասնագետի:

Հարգելի Նատա, ցավոք, ժողովրդական բժշկությունն անարդյունավետ և ժամանակի կորուստ է: Կրկին դիմեք բժշկի, անցեք նորից լաբորատոր գործիքային հետազոտություն և կրկին ստացեք բուժման նոր կուրս: Համենայն դեպս, այդպես ավելի գրագետ կլինի: 

Հարգելի SIRAN, ճիշտ կլինի դիմեք գինեկոլոգի: Հարկավոր է անցնել լաբորատոր հետազոտություն և ապա սկսել հակաբիոտիկային թերապիայի կուրսը:

Հարգելի Armine, չի բացառվում, որ խնդիրը բորբոքային պրոցեսից լինի, լավ կլինի դիմեք գինեկոլոգի և խնդիրն արմատապես լուծեք: